मिडिया एक्सन नेपालको प्रतिवेदनमा ४० पत्रकार र मिडिया संस्था प्रभावित, पत्रकारहरूको सुरक्षामा गम्भीर चुनौती
नेपालमा प्रेस स्वतन्त्रता गम्भीर संकटमा परेको मिडिया एक्सन नेपालले सार्वजनिक गरेको २०२५ को वार्षिक प्रतिवेदनले देखाएको छ। प्रतिवेदन अनुसार, गत वर्षभरि ३२ वटा प्रेस स्वतन्त्रता उल्लंघनका घटना भएका छन्, जसमा ४० जना पत्रकार र मिडिया संस्थाहरू प्रत्यक्ष रूपमा प्रभावित भएका छन्।
प्रतिवेदनले पत्रकारहरूलाई धम्की, कुटपिट, मनोवैज्ञानिक दबाब, कानुनी दुर्व्यवहार र समाचार प्रकाशनमा हस्तक्षेपजस्ता समस्याहरू प्रमुख रुपमा उठाएको छ। धेरै घटनाहरू ग्रामीण क्षेत्रका स्थानीय पत्रकारमाथि केन्द्रित रहेको र तीमध्ये धेरैजसो घटनामा प्रभावकारी कारबाही नभएको उल्लेख गरिएको छ।
मिडिया एक्सन नेपालका अनुसार, सञ्चार स्वतन्त्रता लोकतन्त्रको मेरुदण्ड हो तर पछिल्लो समय राज्यका निकायहरूसहित विभिन्न शक्तिहरूबाट हुने दबाब र हस्तक्षेपले स्वतन्त्र पत्रकारिता संकटमा परेको छ।
संगठनले प्रेस स्वतन्त्रताको संरक्षणका लागि कडा कानुनी कार्यान्वयन, पत्रकार सुरक्षा विधेयकको शीघ्र पारित, र पत्रकारहरूलाई सुरक्षित वातावरण सुनिश्चित गर्न सरकारसँग माग गरेको छ।
\
