गणतन्त्र र संविधानको रक्षामा शीर्ष नेताहरूको साझा प्रतिबद्धता

ओली, देउवा र प्रचण्डले लोकतन्त्रविरोधी गतिविधिविरुद्ध एकजुट भएर काम गर्ने सहमति गरे

काठमाडौं – मुलुकको लोकतान्त्रिक प्रणालीमाथि बढ्दो खतरा र असन्तुष्टिका सन्दर्भमा नेपालको तीन प्रमुख दलका नेताहरूले ऐक्यबद्धता जनाएका छन्। नेकपा एमाले अध्यक्ष केपी शर्मा ओली, नेपाली कांग्रेसका सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल 'प्रचण्ड' बीच शनिबार साँझ बालुवाटारमा भएको भेटमा संविधान र गणतन्त्रको रक्षा गर्न एकसाथ काम गर्ने सहमति भएको हो।

तीन नेताहरूले पछिल्लो समय देखिएको राजतन्त्र पुनर्स्थापनाको आवाज र लोकतन्त्रमाथि चुनौती दिने गतिविधिबाट लोकतान्त्रिक मूल्य–मान्यता कमजोर नबनोस् भन्ने उद्देश्यले संयुक्त रणनीति तय गर्ने निर्णय गरेका हुन्। प्रधानमन्त्री प्रचण्डको आह्वानमा भएको भेटमा देशको राजनीतिक स्थायित्व र सहकार्यबारे पनि छलफल भएको स्रोतको भनाइ छ।