रुद्रप्रयागमा प्रविधिक समस्यापछि सडकमा अवतरण, ३० दिनभित्र चौथो हेलिकप्टर दुर्घटना
शनिबार बिहान केदारनाथ गन्तव्यतर्फ उडेको एक निजी हेलिकप्टरले रुद्रप्रयाग जिल्लाको बडासु क्षेत्रमा आपतकालीन अवतरण गरेको छ। हेलिकप्टरले सिरसी हेलिप्याडबाट उडान भरेको केही समयमै प्रविधिक समस्या देखिएपछि चालक दलले सडकमा सुरक्षित अवतरण गर्न बाध्य भएको हो।
हेलिकप्टरमा सवार पाँच जना यात्रु सकुशल रहेका छन् भने पाइलटलाई कम्मर दुखेको गुनासोका आधारमा स्थानीय अस्पतालमा परीक्षणका लागि पठाइएको छ। प्रारम्भिक जानकारी अनुसार हेलिकप्टरमा गम्भीर क्षति नभएको बताइएको छ।
यो घटना पछिल्लो ३० दिनमा चारधाम यात्राको मार्गमा भएको चौथो हेलिकप्टर दुर्घटना हो। यसले धार्मिक यात्रामा प्रयोग हुने हवाई सेवाको सुरक्षामाथि गम्भीर प्रश्न उठाएको छ।
स्थानीय प्रशासनले हेलिकप्टर कम्पनीसँग सुरक्षा मापदण्डको पूर्ण पालना भएको वा नभएको विषयमा अनुसन्धान थालेको छ।
Tags
समाचार
\
