रुपैढा (बहराइच) मा सम्पन्न सीमा जिल्ला समन्वय समिति (BDCC) बैठकले संयुक्त गस्ती, निगरानी र सूचनाको आदान–प्रदानमार्फत तस्करी रोक्ने सहमति गरेको छ
रुपैढा, बहराइच –
नेपाल–भारत सीमामा बढ्दो अवैध गतिविधि नियन्त्रणका लागि दुबै मुलुकका सीमा सुरक्षा अधिकारीबीच सहमति कायम भएको छ। भारतको रुपैढा (बहराइच) मा आयोजित सीमा जिल्ला समन्वय समिति (BDCC) को बैठकमा ड्रग र मानव तस्करी नियन्त्रण गर्न रणनीति तय गरिएको हो।
बैठकमा संयुक्त गस्ती, लगातार निगरानी, र सूचना आदान–प्रदान मार्फत सीमापार आपराधिक गतिविधिहरू नियन्त्रण गर्न दुवै पक्ष सहमत भएका छन्।
नेपाल र भारतका स्थानीय प्रशासन, सशस्त्र प्रहरी, सीमा सुरक्षा बल (BSF), प्रहरी तथा अन्य सुरक्षासंस्थाहरूका प्रतिनिधिहरूको उपस्थिति रहेको बैठकमा, सीमामा हुने नियन्त्रित आवागमन, शंकास्पद गतिविधिको निगरानी र समन्वय बढाउने विषयमा जोड दिइएको थियो।
प्रमुख छलफल बुँदाहरू:
-
सीमा क्षेत्रको उच्च जोखिम क्षेत्रको पहिचान
-
संवेदनशील नाका र गोप्य मार्गहरूको अनुगमन
-
सीमावर्ती गाउँहरूमा चेतनामूलक कार्यक्रम
-
दुबै देशका सुरक्षा संयन्त्रबीच समन्वय बलियो बनाउने प्रस्ताव
बैठकले सीमामा सामाजिक सद्भाव कायम राख्दै कानूनी उपायमार्फत तस्करी नियन्त्रण गर्नका लागि दुवै मुलुकको जिम्मेवारी बराबरी रहेको पनि उल्लेख गर्यो।
