SEBON को अध्ययन रिपोर्ट सार्वजनिक, नयाँ एक्सचेन्जले पूँजी बजारको दायरा र पारदर्शिता विस्तार गर्ने निष्कर्ष
नेपालले बङ्गलादेशलाई ४० मेगावाट विद्युत् निर्यात फेरि सुरु गरेको छ। नेपाल विद्युत् प्राधिकरण (NEA) का अनुसार यो आपूर्ति आज मध्यरातदेखि औपचारिक रूपमा सुरु गरिएको हो।
विद्युत् आपूर्ति भारतको कुशाहा 400 केभी सबस्टेशन हुँदै बङ्गलादेशसम्म पुर्याइँदैछ। यो मौसमी प्रकृतिको आपूर्ति हो, जुन बर्खे समयमा जलविद्युत उत्पादनमा वृद्धि भएपछि सम्भव भएको हो।
नेपाल विद्युत् प्राधिकरणका एक वरिष्ठ अधिकारीका शब्दमा —
“आजबाट बङ्गलादेशलाई विद्युत् निर्यात फेरि सुरु गरिएको छ। यो प्रक्रिया भारतको सहकार्यमा सहज रूपमा अगाडि बढेको छ।”
नेपालले पहिलो पटक सन् २०२३ मा बङ्गलादेशलाई भारतमार्फत विद्युत् निर्यात सुरु गरेको थियो, जसलाई नेपालको ऊर्जा व्यापार इतिहासमा एक नयाँ मोड को रूपमा हेरिएको छ।
विशेषज्ञहरू भन्छन्, यस किसिमको निर्यातले क्षेत्रीय ऊर्जा व्यापारमा नेपाललाई भरपर्दो साझेदार को रूपमा स्थापित गर्दै लैजानेछ। सरकार र प्राधिकरणले आगामी वर्षहरूमा निर्यात परिमाण थप बढाउने योजना बनाइरहेका छन्।
\
