चार महिनादेखि जबर्जस्ती श्रममा संलग्न गराइएका नेपालीहरूलाई भारतीय प्रहरी, KIN India NGO र नेपाली दूतावासको संयुक्त प्रयासमा उद्धार
भारतको उत्तराखंडस्थित उधम सिंह नगरबाट जबर्जस्ती श्रममा लगिएका ३२ जना नेपाली युवाहरूलाई भारतीय प्रहरी, सामाजिक संस्था KIN India र भारतस्थित नेपाली दूतावासको संयुक्त पहलमा रिहा गरिएको छ।
उनीहरू मध्ये ३ जना बालबालिका समेत रहेका थिए, जसलाई चार महिनासम्म काममा लगाइएको थियो र उनीहरूबाट आर्थिक लाभ उठाइएको आरोप लगाइएको छ। उद्धार गरिएका नेपालीहरूलाई असहाय अवस्थामा राखिएको थियो र उनीहरूमाथि मानसिक तथा शारीरिक शोषण समेत भएको बताइएको छ।
भारतीय सुरक्षाकर्मीको अनुसन्धानबाट घटनामा संलग्न ३ जना विरुद्ध मुद्दा दर्ता गरिएको छ भने, थप ३५ जना नेपाली अझै बेपत्ता अवस्थामा छन्। तिनीहरूको खोजी कार्य जारी छ।
उद्धारपछि नेपाली दूतावासले पीडितहरूको संरक्षण, उपचार र स्वदेश फिर्तीका लागि समन्वय गरिरहेको छ। साथै, नेपाल सरकारलाई भारतसँग आप्रवासी कामदारहरूको सुरक्षाबारे थप चासो देखाउन आग्रह गरिएको छ।
यस घटनाले विदेशी भूमिमा रोजगारीको नाममा ठगिने नेपालीहरूको अवस्थामाथि गम्भीर प्रश्न उठाएको छ। यसैका कारण, सरोकारवाला निकायहरूले आप्रवासी नेपालीहरूलाई सतर्क रहन र वैधानिक माध्यमबाट मात्र विदेश यात्रा गर्न सुझाव दिएका छन्।
\
