किनारको पोलमा राखिएको प्रधानमन्त्री ओलीको फोटो झारेर प्रदर्शनकारीले असन्तुष्टि प्रकट गरे
काठमाडौं – राजधानीमा भइरहेको जेन–जीको जुलुसमा सहभागी युवाहरूले प्रधानमन्त्री केपी शर्मा ओलीप्रति असन्तुष्टि जनाउँदै सडक किनारमा टाँसिएको उनको तस्वीर झारेर च्यातेका छन्।
जुलुसमा उपस्थित प्रदर्शनकारीहरूले सरकारले युवापुस्ताको आवाजलाई बेवास्ता गर्दै आएको आरोप लगाएका थिए। तस्वीर च्यातिएको घटनालाई उनीहरूले प्रतीकात्मक कदमका रूपमा लिएका छन्।
आन्दोलनकारीहरूले भ्रष्टाचार अन्त्य, रोजगारीका अवसर र पारदर्शी शासन व्यवस्थाका लागि आवाज उठाउँदै आएका छन्। उनीहरूका अनुसार, मुलुकमा युवा पुस्ताको मागलाई राज्यले सम्बोधन नगरेसम्म आन्दोलन जारी रहनेछ।
सुरक्षा निकायले स्थिति नियन्त्रणमा लिन प्रयास गरेको भए पनि प्रदर्शन शान्तिपूर्ण ढंगले अगाडि बढेको छ।