५ लिटर कोरेक्सजस्तो झोल पदार्थ र १५० थान नाईट्रोभेटसहित तीन जना पक्राउ
.png)
उर्लाबारी प्रहरीले गएराति चेकजाँचको क्रममा लागुऔषधसहित एक कार र मोटरसाइकल नियन्त्रणमा लिएको छ।
ईलाका प्रहरी कार्यालय उर्लाबारीका प्रहरी निरीक्षक रञ्जन बरालका अनुसार उर्लाबारी–९ जोरबाटोमा बा ३ च ७९८१ नम्बरको कार र बा ६८ प ४०९८ नम्बरको मोटरसाइकल रोकेर जाँच्दा लागुऔषध फेला परेको हो।
कारभित्र ५ लिटर कोरेक्सजस्तो देखिने झोल पदार्थ र १५० थान नाइट्रोभेट गोली बरामद भएको प्रहरीले जनाएको छ। घटनामा संलग्न दमक–४ का ४३ वर्षीय केदार ओझा, उर्लाबारी–४ का २२ वर्षीय एञ्जल दाहाल र उर्लाबारी–७ का ३२ वर्षीय सुजन सेन्दाङलाई पक्राउ गरिएको छ।
प्रहरीले पक्राउ परेकाहरूमाथि थप अनुसन्धान भइरहेको जनाएको छ।