२०७२ असोज ३ गते संविधान जारी भएको दिनलाई यस वर्ष पनि राष्ट्रिय दिवसका रूपमा मनाइयो, झाँकी प्रदर्शन भने स्थगित
.png)
काठमाडौं __हरेक वर्ष असोज ३ गतेलाई संविधान दिवसका रूपमा मनाइने परम्परा यस वर्ष पनि कायम रह्यो। संविधान दिवस मूल समारोह समितिले टुँडिखेलस्थित सैनिक मञ्चमा विशेष समारोहको आयोजना गरेको थियो।
समारोहमा राष्ट्रपति रामचन्द्र पौडेल, उपराष्ट्रपति रामसहाय प्रसाद यादव, अन्तरिम सरकारका प्रधानमन्त्री सुशीला कार्की, प्रधानन्यायाधीश, सभामुख, राष्ट्रियसभा अध्यक्षलगायत उच्च पदाधिकारीहरूको उपस्थिति थियो।
कार्यक्रममा नेपाली सेना, सशस्त्र प्रहरी र नेपाल प्रहरीका टोलीहरूले आकर्षक मार्चपास प्रदर्शन गरेका थिए। साथै शान्तिका प्रतीकका रूपमा परेवाहरू उडाइएका थिए।
विशेष परिस्थितिका कारण यसपटक झाँकी प्रदर्शनलगायत अन्य सांस्कृतिक कार्यक्रम भने स्थगित गरिएको समितिले जनाएको छ।
संविधान दिवस २०७२ साल असोज ३ गते तत्कालीन राष्ट्रपति डा. रामवरण यादवले “नेपालको संविधान २०७२” जारी गरेको ऐतिहासिक क्षणको स्मरणमा मनाइन्छ। यो दिनलाई संघीय लोकतान्त्रिक गणतन्त्र नेपालको महत्वपूर्ण उपलब्धिका रूपमा लिइन्छ।
