रंगेली आमगाछीमा महालक्ष्मी पूजा सम्पन्न, भक्तै मण्डलीको आरतीले गुञ्जियो गाउँ
मोरङ,
अश्विन शुक्ल पूर्णिमाको पावन अवसरमा रंगेली आमगाछीमा महालक्ष्मी अर्थात् कोजाग्रत लक्ष्मी देवीको पूजा भव्यरूपमा सम्पन्न गरिएको छ।
गाउँभर भक्ति, संगीत र दीपमालाले वातावरण उज्यालो बनेको छ।
भक्तै मण्डलीद्वारा भजन र आरती स्थानीय भक्तै मण्डलीले मृदङ्ग, झाँझ र भजनकीर्तनको स्वरमा देवी लक्ष्मीको आरती गर्दै पूजाको शुभारम्भ गरेका छन्।
साँझको समयमा मन्दिर र टोलभरि दीप बालिँदा उज्यालो र श्रद्धामय वातावरण सिर्जना भएको थियो।
आरतीमा महिलाहरू परम्परागत पोशाकमा सहभागी भएका थिए भने पुरुषहरू बाजागाजासहित भजन गाइरहेका थिए।
बगिया भोग र सांस्कृतिक परम्परा गाउँकी महिलाहरूले परम्परागत रूपमा बगिया (लक्ष्मीको भोग प्रसाद) तयार पारी देवीलाई अर्पण गरेका छन्।
बगिया यहाँको पुरानो परम्परा हो, जसलाई लक्ष्मीको प्रिय प्रसाद मानिन्छ।
यसरी बगिया र आरतीको मेलले आजको दिनलाई संस्कृति, श्रम र श्रद्धाको प्रतीक बनाएको छ।
कोजाग्रत पूर्णिमाको धार्मिक अर्थएफडीडीसीसी
हिन्दू परम्परा अनुसार, अश्विन शुक्ल पूर्णिमा लाई कोजाग्रत पूर्णिमा वा शरद पूर्णिमा भनिन्छ।
विश्वास गरिन्छ कि यो रात महालक्ष्मी देवी पृथ्वीमा अवतरण गरी “को जाग्रति?” (कसले जागेको छ?) भनी सोध्दै हिँड्छिन्।
जो व्यक्ति जाग्राम गरी पूजा गर्छ, उसमाथि लक्ष्मीको विशेष कृपा रहन्छ भन्ने जनविश्वास छ।
मन्दिर र आँगनहरू रंगीन बत्ती, फूल र रङ्गोलीले सजिएका छन्।
बच्चादेखि वृद्धसम्म सबैमा उत्साह छ।
धानबारीमा समेत दीप प्रज्वलन गरी माता लक्ष्मीको आवाहन गरिएको छ, जसले कृषक समुदायमा समृद्धिको आशा जगाएको छ।
यसरी आजको दिनले केवल धार्मिक श्रद्धा मात्र होइन,
गाउँको सांस्कृतिक एकता र मौलिक पहिचानलाई पनि उजागर गरेको स्थानीयहरू बताउँछन्।