राष्ट्रिय स्वतन्त्र पार्टी देशभर संगठन विस्तारमा सक्रिय, नेमुवामा वडास्तरीय समिति गठन
सुरेन्द्र मण्डल :- मोरङ ,१४ मंसिर
राष्ट्रिय स्वतन्त्र पार्टी (रास्वपा) हाल देशभर संगठन सुदृढीकरण अभियानमा सक्रिय रूपमा लागेको छ। यही अभियानअन्तर्गत आज बुढीगंगा गाउँपालिका–नेमुवामा आयोजित विशेष भेलामार्फत बुढीगंगा गाउँपालिका–वडा नं. ४ मा वडास्तरीय समिति औपचारिक रूपमा गठन गरिएको छ।
नयाँ जिम्मेवारी पाएका पदाधिकारीहरूलाई रास्वपा मोरङ जिल्ला उपसभापति विमला बस्नेत ले सपथ गराउँदै कार्यभार हस्तान्तरण गरिन्।
कार्यक्रममा विराटनगर, धनपाल थान, ग्राम थान गाउँपालिका, रंगेली नगरपालिका, सुनवर्षी नगरपालिका लगायतका क्षेत्रबाट पनि प्रतिनिधित्व रहेको थियो, जसले रास्वपाबद्दल स्थानीय स्तरमा बढ्दो उत्साह र विस्तार देखाएको छ।
कार्यक्रमलाई सम्बोधन गर्दै रास्वपा मोरङ जिल्ला कोषाध्यक्ष सन्तोष सिंह ले पार्टीभित्र जनप्रतिनिधि छनोट प्रक्रिया अब नियमित ढङ्गले अघि बढ्ने बताए।
उनका अनुसार रास्वपा अहिले प्रदेशदेखि स्थानीय तहसम्म संगठनात्मक पुनःसंरचना र नेतृत्व चयनको चरण मा छ।
सिंहले,
“निकट भविष्यमै क्षेत्र नं. ५ र ६ का क्षेत्रीय प्रतिनिधिहरू चयन प्रक्रिया पनि लागू हुनेछ,”
भन्दै आगामी संरचनागत कामहरूलाई तीव्रता दिने प्रतिबद्धता जनाए।
कार्यक्रमको अन्त्यतिर कोशी प्रदेशका रास्वपा राट सचिव कोषराज खनाल ले सञ्चारकर्मीहरूसँग कुरा गर्दै पार्टीले नगरदेखि टोलसम्म अधिवेशनको तयारी तीव्र पारिरहेको जानकारी दिए।
उनका अनुसार—
“संगठन विस्तार अभियानअन्तर्गत आगामी मंसिर २० गते बुढीगंगा गाउँपालिकामा भव्य मोटरसाइकल र्याली आयोजना हुँदैछ। र्यालीमा केन्द्रदेखि प्रदेशसम्मका माननीयहरूको उपस्थिति रहनेछ। पार्टीप्रति सकारात्मक सोच भएका नागरिक, व्यवसायी, युवा तथा बुद्धिजीवी सबैलाई र्यालीमा सहभागी हुन हार्दिक आमन्त्रण छ,”
उनले बताएका थिए।
आजको कार्यक्रमले रास्वपाको स्थानीय संरचना सुदृढीकरण, युवा परिचालन तथा वैकल्पिक राजनीतिक विकल्प निर्माण गर्ने लक्ष्यलाई थप गति दिएको देखिन्छ।
