१६ दिने अभियानको उद्घाटनमा व्यक्त विचार विवादित बनेपछि कार्कीले स्पष्टिकरणसहित क्षमा माग्दै सद्भाव कायम राख्न आग्रह
काठमाडौँ। लैंगिक हिंसाविरुद्धको १६ दिने अभियान शुभारम्भ कार्यक्रममा दिएको अभिव्यक्तिका कारण सामाजिक क्षेत्रमा व्यापक प्रतिक्रिया आएपछि प्रधानमन्त्री सुशीला कार्कीले आफ्नो भनाइ फिर्ता लिएकी छिन्। उनले सार्वजनिक विज्ञप्ति जारी गर्दै कुनै पनि धर्म वा समुदायप्रति अनादर गर्ने मनसाय नभएको स्पष्ट पार्दै मुस्लिम समुदायसँग क्षमा प्रकट गरेकी छन्।
कार्कीले आफूले व्यक्त गरेको विचार फरक सन्दर्भमा रहेको भए पनि त्यसलाई गलत रूपमा बुझिएको उल्लेख गरिन्। उनले मुलुकको बहुसांस्कृतिक संरचना, धार्मिक सद्भाव र सामाजिक सहिष्णुताको महत्व दोहोर्याउँदै सबै धर्मलाई समान सम्मान गर्ने आफ्नो धारणा पुनः व्यक्त गरिन्।
प्रधानमन्त्रीले सामाजिक समावेशिता र आपसी समझदारीमा आधारित वातावरण कायम राख्न सबैलाई आग्रह गर्दै कुनै पनि अभिव्यक्ति कसैलाई चोट पुर्याएको भए गहिरो खेद प्रकट गरिन्।