नदीकिनारका बस्ती जोखिममा, सुकुम्बासी व्यवस्थापनमा सरकारको प्रयास

नदीकिनारका बस्ती जोखिममा: सुकुम्बासी व्यवस्थापनमा सरकारको नयाँ प्रयास

image:officialpageofpmbalen

old image

काठमाडौं । काठमाडौँका नदीकिनारमा रहेका बस्तीहरू हरेक वर्ष बाढी र डुबानको जोखिममा पर्ने अवस्थालाई ध्यानमा राख्दै सरकारले सुकुम्बासी व्यवस्थापनलाई प्राथमिकतामा राखेको जनाएको छ। वर्षौँदेखि दोहोरिँदै आएको यस समस्याका कारण हजारौँ परिवारले घरबार छोड्नुपर्ने बाध्यता अन्त्य गर्न सुरक्षित बसोबासको व्यवस्था आवश्यक भएको उल्लेख गरिएको छ।

सरकारले अतिक्रमणकारी र वास्तविक सुकुम्बासी छुट्याएर वास्तविक पीडितलाई प्राथमिकताका साथ उचित स्थानमा व्यवस्थापन गर्ने योजना अघि सारेको छ। थापाथली, गैरीगाउँ, मनोहरा लगायतका नदीकिनारका जोखिमपूर्ण बस्तीलाई बल प्रयोग नगरी मानवीय ढंगले स्थानान्तरण गर्ने तयारी भइरहेको जनाइएको छ।

यस योजनाले एकातिर बस्तीलाई सुरक्षित बनाउने र अर्कोतर्फ काठमाडौँ उपत्यकाको ढल निकास प्रणाली तथा नदी सफाइमा सुधार ल्याउने अपेक्षा गरिएको छ। साथै, देशभर रहेका वास्तविक सुकुम्बासीलाई आवश्यक प्रक्रिया पूरा गरी जग्गा वितरण गर्ने प्रतिबद्धता पनि सरकारले दोहोर्‍याएको छ।